„მაგრამ“ წინადადების დაპირისპირებულ ნაწილებს აკავშირებს. როცა ის წინადადების შუაში დგას, მძიმეს მის წინ ვწერთ. მაგალითად: „წიგნის კითხვა დავიწყე, მაგრამ ბოლომდე ვერ მივედი.“ იგივე წესი მოქმედებს მაშინაც, როცა ერთმანეთს ცალკეულ სიტყვებს ვუპირისპირებთ: „მოკლე, მაგრამ საინტერესო ამბავი იყო.“ თუ წინადადება „მაგრამ“-ით იწყება, მხოლოდ ამ კავშირის გამო მის შემდეგ მძიმეს არ ვსვამთ. მაგალითად: „მაგრამ ამბავი აქ არ მთავრდება.“




